-Almmuhus-
SMÁVVAOĐĐASATOlu el-biila­eaiggádat leat beahta­hallan

Olu el-biila­eaiggádat leat beahta­hallan

-

-

45 proseantta el-biilaeaiggádiin oaivvildit ahte biilabáhtter ii bistte doarvái guhká dálvet. 

Gaskavahkku čađahišgoahtá Norges Automobil-Forbund (NAF) el-biillaid dálveiskkosiid. Dán jagi isket birrasii 30 biilamálle. Diimmá dálvvi ii olahan okta ge el-biila dan vuodjinguhkkodaga man buvttadeaddjit lohpidedje. 

Guorahallan man Norstat lea čađahan NAF ovddas čájeha ahte 45 proseantta el-biilaeaiggádiin leat beahtahallan biilla vuodjinguhkkodagain. 22 proseantta vástidit ahte eai oastte el-biilla danin go vuodjinguhkkodat lea heitot dálvet.   

El-biillaid vuodjinguhkkodat oatnu 4-32 prosentii dálvet, čájeha NAF ja Motor magasiinna guorahallan. 

Vuodjinguhkkodat lea mearrideaddji

– Diibmá ilbme masá 140 000 ođđa el-biilla Norgii. Oallugat geat vuosttaš gearddi oste el-biilla hirpmahuvve go dálvvai, lohká NAF gulahallanráđđeaddi Nils Sødal preassadieđáhusas. 

NAF guorahallamis isket man guhkás el-biillaiguin jovdet dálvet. Mátki álgá Oslos, manná Gudbrandsdalenii ja joatkašuvvá Dovrefjellii ja Venabygdsfjellii. 

– Oallugiidda lea vuodjinguhkkodat deháleamos go galget oastit el-biilla, ja go el-biillas sáhttá dálvet manahit stuora oasi kapasitehtas, de šaddet olbmot eahpesihkkarat, lohká Sødal. 

(©NTB)

-Almmuhus-