Dáhkádusfitnodat, Codan Forsikring, lohká maŋimuš juovllaid leamaš eanemus biilareakčanemiid juovlamánu 21. ja 22. beaivvi. – Gálja ja hušša ovdal juovllaid sáhttá leat váralaš, rávve Codan Forsikring.
Diibmá, juovlamánu 21. beaivvi, reakčanahtte olbmot eanemus biillaid juovlamánus. Oktiibuot 1806 johtolatbártti dáhpáhuvve dan beaivvi, čájehit Finans Norge logut, čállá dáhkádusfitnodat Codan Forsikring preassadieđáhusas.
– Dáhkádussuorgi vásiha ahte juovlaruohtaruohta áiggi leat eanemus johtolatlihkohisvuođat juovlamánus. Dalle leat guovtte gitta čieža geardde eanet vahágat go muđui, lohká Codan Forsikring gulahallanhoavda Georg Richvoldsen.
