Measta bealli sis geat dušše biilalihkohisvuođain diibmá eai geavahan biilaboahkána, dahje geavahedje dan boastut. Dat dieđut bohtet ovdan politiijaid ođđa loguin.
Diibmá ledje 89 olbmo geat dušše biilalihkohisvuođain, ja 47 proseantta sis eai geavahan biilaboahkána, dahje geavahedje dan boastut.
Maŋemus ovcci jagi lea leamašan nu ahte 35 proseantta buohkain geat dušše biilalihkohisvuođas eai geavahan boahkána. Dat boahtá ovdan Politiija johtolatsihkarvuođabarggu dilálašvuođaanalysas 2022:i.
Roar Skjelbred Larsen, gii lea geaidnopolitiijahoavda, muitala ahte gárrenmirkkut leat sivvan máŋgga jápminlihkohisvuhtii go biilaboagán ii geavahuvvo.
– Sáhttet leat olbmot geain lea leamaš dahkamuš politiijain ovdal, ja de eai šat beroš jus válddahallet go leat vuodjime. Dalle geavvá lihkohisvuohta, lohká Larsen P4:i.
Muđui lea nu ahte gaskal 87 ja 98 proseantta geavahit biilaboahkána.
(©NTB)
