Ođđa iskan duođašta ahte kránnjá riedja earduda eanemusat olbmuid. Kránnjá riedja earduda 20 proseantta álbmogis ja eanemusat olbmuid geat ásset geardeviesuin.
Norstat lea Codan Forsikring dáhkádusa ovddas iskan 2020 ođđajagemánus makkár áššit mat eardudit kránnjá. Iskan čájeha ahte kránnjáid riedja váivvida 36 proseantta olbmuin geat ásset geardeviesuin, eanemusat. Dan dieđiha Codan Forsikring preassadieđáhusas.
– Mii diehtit ahte kránnjáid riedja váivvida olu olbmuid geat ásset ásodagain, geardeviesuin ja guovtteásodatviesuin go buohtastahttá olbmuiguin geat ásset ovttabearašdálus. Lea lunddolaš mađe lagabui kránnját ásset, dađe eanet ferte olmmoš soabadallat daid áššiid birra mat eardudit nuppi, lohká Codan Forsikring gulahallanhoavda Georg Richvoldsen.
Iskan čájeha ahte kránnjá riedja eanemusat váivvida Oslo ássiid, oktiibuot 38 proseantta. Kránnjá riedja váivvida gaskal 18- ja 39-jahkásaččaid eanemusat, oktiibuot 30 proseantta.
