Ruvkekritihkalaš álbmotlihkadus lágida miellačájeheami Levis skábmamánu 1. beaivvi Levis, seamma áiggi go Riikkaidgaskasaš ruvkeindustriija Fennoscandian Exploration & Mining konferánsa lágiduvvo.
Miellačájeheapmi lea Levis skábmamánu 1 beaivvi dii. 11.00 Levi Summit olggobealde. Dat lágiduvvo seammás go riikkaidgaskasaš ruvkeindustriija konferánsa lágiduvvo.
– Ruvkket duššadit min gieldda eallinvejolašvuođaid. Ruvkkiid rehkegat báhcet min mánáide máksit. Giemajohka ii gierdda šat eanet nuoskkideami, dadjá Marianne Juntunen «Ii ruvkkiid Pyhä-Luosto» -lihkadusas.
Miellačájáhussii leat boahtimin maid Norgga birasorganisašuvdna Natur og Ungdom. Natur og Ungdom vuosttaldit ruvkefitnodagaid Nordic Mining ja Nussir ASA plánaid jávistit ruvkebázahusaid sámeeatnama vuonaide.
