Bargguhisvuohta lea lassánan davimus Suomas, čájeha ođđa raporta.
Lapland Life Center Suomas čállá iežaset raporttas ahte bargguhisvuohta Lappi guovllus davimus Suomas lea lassánan. Bargguhisvuohta lea eanemus lassánan Roavvenjárgga, Anára, Gihttela ja Kolari gielddain.
Skábmamánu loahpageažis ledje 10 820 olbmo barggu haga davimus Suomas Lappi guovllus, dieđiha Lapin Kansa aviisa. Dat leat measta 3000 eanet go diibmá seamma áigodagas.
Sivvan dan alla bargguhisvuhtii lea koronadávda ja dat eahpesihkkaris dilli mii lea máilmmis. Dat dagaha maid ahte eanet olbmot leat biddjon gaskaboddosaš virgelupmui. Lapland Life Center Suomas dieđiha ahte sii dárbbašit olu unnit bargoveaga dán jagi go diibmá.
