-Almmuhus-
-Almmuhus-
OĐĐASATMearridan doarjut su guhte bážii guovžžaid

Mearridan doarjut su guhte bážii guovžžaid

-

-

Gaske Dajven Båatsoe Tjieltie  lea jahkečoahkkimis mearridan doarjut su guhte bážii golbma guovžža hehtten dihtii eambbo vahágiid. 

Miessemánus bážii boazosápmelaš golbma guovžža Sørli lahkosis Trøndelágas. 

Norgga Boazosápmelaččaid Riikkasearvvi báikkálaš searvi Gaske Dajven Båatsoe Tjieltie  mearridii mannan vahku jahkečoahkkimis  doarjut albmá guhte čuoččuha iežas šaddan geavahit heahtegádjunrievtti.

– Mii leat mearridan doarjut su guhte šattai geavahit heahtegádjunrievtti. Earenomážit dál go lea boahtán ođđa heahtegádjunparagráfa, go eat jáhke ovttage geahččalan vel dan, lohká  Gaske Dajven Båatsoe Tjieltie jođiheaddji Mattias Jåma. Lei Norgga Boazosápmelaččaid Riikasearvvi báikkálaš searvvi tiimmus go Mattias Jåma dan almmuhii.  Dál leat Norgga boazosápmelaččat čoahkkanan Muoffii Nordlándii, gos digaštallat ealáhusáššiid.

Loga maid:
Dutket dievddu gii bážii golbma guovžža

Ollu boraspiret

Mattias Jåma lohká dan ášši šaddat leat hui mearrideaddjin boahtteáiggi áššiide. 

– Mis lea hui stuorra boraspirehástalus, lea stuorra vahát. Mii eat leat vel mearridan mo áigut veahkehit su. Dál ferte vuos oaidnit mo ášši ovdána, lohká Mattias Jåma. 

-Almmuhus-