Stáhta geaidnodoaimmahat maŋida áigemeari váldit biikadeahkaid eret cuoŋománu lohppii olles riikkas.
Sivvan lea koronapandemiija.
– Mii ávžžuhat olbmuid molsut biikadeahkaid biikkahisdeahkaide nu jođánit go vejolaš, muhto oaidnit olu praktihkalaš váttisvuođaid dáid koronaáiggiid. Divohagat soitet leat gitta dahje lea unniduvvon kapasitehta, dadjá Ingrid Heggebø Lutnæs Stáhta geaidnodoaimmahagas.
Geaidnodoaimmahat lea mearridan spiehkastit dábálaš biikadeahkka-áigemeriin. Dál lea áigemearri maŋiduvvon cuoŋománu lohppii, ja lea seamma Lulli- ja Davvi-Norggas.
