Norsk Kulturråd lea oastán girječálli Anne Osvaldsdatter Bjørkli girjji Loddi gieđas.
1650 bábergirjji leat dál addon Kulturráđi distribušuvdnii, girjjit sáddejuvvojit álbmotgirjerádjosiidda Norggas luoikkahan várás. Norsk Kulturråd dat lea oastán «Loddi gieđas» girjji, čállá Iđut AS lágádus preassdieđáhusas.
«Loddi gieđas» girjjis beassat lohkat Ánne birra guhte liiko buotlágan elliide. Son nu háliida bussá dahje beatnaga. Muhto eadni ja áhčči eaba suova.
– Don leat menddo unni, soai dadjaba. Muhto de oažžu stuoraviellja unduláhta. Dalle vásiha Ánne juoidá maid ii goassege livčče jáhkán dáhpáhuvvat .
Girječálli
Girjji lea čállán Anne Osvaldsdatter Bjørkli . Son debuterii girječállin 1991:s mánáidgirjjiin «Ei jente for mye?». Son lea almmuhan mánáid girjjiid ja ovtta nuoraidgirjji. Son debuterii diktačállin 1998:s dikta čoakkáldagain Mantel. Bjørkli oažžui Blix-bálkkašumi 2012:s mánáidgirjjiin Huskereisa. Son lea almmuhan divttaid ja noveallaid máŋga antologiijain. Son lea jorgalan davvisámegielat ja eŋgelasgielat girjjiid dárogillii. Ja son lea máŋga jagi leamašan «Årbok for Malangen og Balsfjord» doaimmaheaddjin.
Sissel Horndal lea sárgon Loddi gieđas girjji govaid.
