Vahkkosaš dieđiheapmi jápmán lottiid birra lea dál loahpahuvvon. Romssa ja Finnmárkku suohkaniin leat duođaštuvvon badjel 24 000 jápmán lotti.
Vuosttaš diehtu jápmán lottiid birra bođii Hársttáin miessemánu 26. beaivvi, muhto ii lean ovdal go moatti mánu maŋŋil ahte lohku lassánii dramáhtalaččat, ja erenoamážit Čáhcesullos.
Oktiibuot leat dieđihan 24 594 jápmán lotti vahkkosaš dieđáhusaide, čállá Finnmárkku Stáhtahálddašeaddji. Eatnašat leat gávdnon Čáhcesullos, muhto leat dieđihuvvon jápmán lottit stuorra osiin Romssa ja Finnmárkkus mearragáddeguovlluin.
Lei NRK mii vuosttažin čálii ášši birra.
(©NTB)
