Virusat mat dagahit loddeinflueansa, sáhttet rievdat. Guhkit áiggi badjel sáhttá dat dagahit ahte virus álkit njoammu olbmuide, várre Šibitdoavtterinstituhta.
Vaikke vel loddeinflueansa lea ain váldoáššálaččat loddedávda, de lea njoammun eará elliide – earret eará riebaniidda Norggas – lassánan maŋemus jagi.
Šibitdoavtterinstituhtta lea fuolastuvvan dán dili geažil ja dadjá ahte sii čuvvot dili dárkilit.
– Mii diehtit ahte loddeinflueansavirus sáhttá dagahit pandemiijaid. Muhto jus dat galgá dáhpáhuvvat, de ferte šaddat virus mas šaddet návccat njoammudit infekšuvnnaid sihke olbmuide ja olbmuid gaskkas. Loddeinflueansavirusiin eai leat dát iešvuođat dálá hámis, dadjá instituhta virologiija seniordutki Ragnhild Tønnessen preassadieđáhusas. (©NTB)
