Kajsa Balto lea dán vahkkus konseartamátkkis Finnmárkkus.
Kajsa Balto almmuhii juovlaskearru «Sámi Juovllat – Sámi Christmas» guokte jagi áigi. Su favorihttašuokŋa dán skearrus lea «O Bassi Idja – O Holy Night». Dán lea almmuhan ođđa hámis skábmamánus ovttas KORK:in, ja dan ávvuda konseartamátkkiin.
– Mun lean álo váillahan sámi juovlamusihka, sihke dovddus šuoŋaid ja ođđa lávlagiid. Nu ahte dát lea movttiidahttán mu bargat dáinna prošeavttain. Juohke jagi han ilbmet olu ođđa juovlašuoŋat sihke dárogillii ja eŋgelasgillii, muhto sámegillii almmuhuvvojit unnán juovlalávlagat, lohká Balto preassadieđáhusas.
Kajsa Balto čuojaha juovlakonsearttaid Finnmárkkus dán vahkkus:
13.12: Arktisk kultursenter, Hámmerfeasta 14.12: Guovdageainnu skuvllas, Guovdageaidnu (nuvttá mánáide ja nuoraide vuollel 18 jagi) 15.12: Ovddeš niiberávddis, Kárášjohka 16.12: Deanu girkus, Deatnu 17.12: Kooperatives, Čáhcesuolu
