Álbmotdearvvašvuohtainstituhta (FHI) válgodoavttir Preben Aavitsland lohká lei boastut giddet skuvllaid koronapandemiija geažil. Son oaivvilda skuvlagidden dagahii dárbbašmeahttun balu mánáide.
– Skuvllaid ii lean goassege galgat giddet go ii lean dárbbašlaš, lohká Aavitsland NRK:i.
Son lohká dat lei okta daid áššiin mii dagahii ahte mánát balle korona várálažžan sidjiide.
– Leat oba unnán mánát geat duođalaččat buohccájedje koronain, lohká son, ja čujuha dasá go Álbmotdearvvašvuođainstituhtta (FHI) vuosttaldii eanaš áigge skuvlagiddemiid. Son lohká gielddat ja Dearvvašvuođadirektoráhta dat áŋgirušše eanemusat skuvllaid giddet. Son lohká váikkuhusat leat leamaš stuorrát.
– Beare olu sajiin máilmmis giddejedje skuvllaid beare álkit. Dál oaidnit guovtte- ja golmmajahkásaččaid njálbmesujiin ja sin áigot dáhttut boahkuhit. FHI lea čađagaskka oaivvildan ahte sidjiide geasa korona čuohcá unnimusat, eai galggašii eanemusat gillát, lohká Aavitsalnd.
Dearvvašvuođadirektoráhta Espen Nakstad ii vuhtiiváldde moaitámuša ja lohká lei dehálaš giddet skuvllaid unnidan dihte njoammuma.
– Jáhkán eatnasat leat ovttaoaivilis dáinna go juo mihttomearri lei ráddjet njoammuma, lohká son NRK:i.
(©NTB)
