Trøndelága stáhtahálddašeaddji dieđiha ahte dál leat Trøndelága jogathirbmadit cohkon, ii ge dieđihuvvo arvi guhkes áigái ovddosguvlui. Dát váikkuha hejot lussii ja guvžái. Sávvat olbmot sáddejit dahje dieđihit Biebmobearráigehččui jus oidnet buohcci guliid dahje jápmán guliid. Sávvat maid ahte daid guliid dahje daid guliid iskosiid sáddejit lagabui iskamii.
– Ovddit jagiid leamaš mis furunkulose njoammudávda Aursunddas, Nååmesje, Årgårdsčázádagas ja Bognas. Jápmán luossalohku leamaš moadde luosas gitta duhát lussii. Go furukulosenjoammudávda leavahii Sandøla jogas 2008:s jápme birrasii golbma tonna luossa. Muhtin jogaide lea ráhkaduvvon gearggusvuođaplánat earret eará Nååmesječázádahkii. Stáhtahálddašeaddjis lea lagaš ovttasbargu Biebmobearráigeahčuin go furunkulose-dávda leavaha, dieđiha Trøndelága stáhtahálddašeaddji preassadieđáhusas.
Furunkulose (Aeromonas salmonicida subspecies salmonicida infekšuvdna) lea njoammudávda mii sáhttá goddit olu luossaguliid sihke sáivačázis ja mearračázis. Bakteara sáhttá maid muhtin muddui njoammut muhtin mearraguliide, nu go áhkacincui. Furunkulosa lea Listu 3-dávda ja galgá dieđihuvvot dakkaviđe Biebmobearráigehččui jus oaidná dahje navdá ahte lea furunkulose. Gáldu: Veterinearainstituhtta.
