Trøndelága stáhtahálddašeaddji lea almmuhan fylkka eanadoalo ja boazodoalo ođđasiid.
Trøndelága stáhtahálddašeaddji boazodoalloossodat lea ođasmahttán ja ráhkadan ođđa «sijtegovaid» maid gávdná fylkka neahttasiiddus. Lea álkes diehtobáhpárat boazodoalloorohagaid (sijtiid) birra.
Dát dieđut leat vižžon earret eará Eanadoallodirektoráhtas ja Rovbases mat čájehit earret eará boazologu, njuovvandeattu, buvttadeami ja massima, čállá Trøndelága stáhtahálddašeaddji preassadieđáhusas.
Trøndelága stáhtahálddašeaddji boazodoalloossodat lea maid ođasmahttán čállosa «Betydninga av reindrifta sør for nordlandsgrensa» (boazodoalu mearkkašupmi Nordlándda rájá máttabeale) ja čállosa gávdná neahttasiiddus. Boazodoalus lea mearkkašupmi sihke árvohahkamii ja luondduriggodagaid ávkkástallamii fylkkas.
Trøndelagas lea 18 proseantta oppalaš boazologus, muhto okta goalmmát oassi buot bohccuin mat vuvdojuvvojit, vuvdojuvvojit dán guovllus. Maŋimuš jagiid váldoovdáneapmi čájeha dán guovllus bistá ain buorre buvttadeapmi ja lassi árvohahkan.
