-Almmuhus-
-Almmuhus-
OĐĐASAT Lassi dávddat sivvan koronajápmimiidda

Lassi dávddat sivvan koronajápmimiidda

-

-

Dutkan Itálias čájeha ahte 99,2 proseantta sis geat leat jápmán koronavirusa geažil Itálias ledje eará dávddat vel lassin koronavirusii. 

Nettavisen.no dieđiha ahte raporta mas moaddečuođi jápminsiva leat almmuhuvvon, čájeha ahte 99,2 proseantta sis geat dán rádjái leat jápmán koronavirusa geažil Itálias ledje maid eará dávddat ja buozalmasvuođat. 

Gaskavahku lassánii korona jápminlohku Itálias 475 ođđa olbmuin. Dán rádjái leat 2978:s jápmán koronavirusiin Itálias ja oktiibuot leat 35 713 registrerejuvvon njoammuduvvon Itálias. 

Ođđa dutkan

Dál lea ge Itália dearvvašvuođainstituhtta almmuhan ođđa dutkama mas boahtá ovdan ahte eanas geat dán rádjái leat jápmán koronavirusiin ledje boaresolbmot, ja ahte 99,2 proseantta sis geat leat jápmán ledje vel lassi dávddat. 

48,5 proseanttas ledje unnimus golbma lassi dávdda, 25,6 proseanttas ledje guokte lassi dávdda ja 25,1 proseanttas lei okta lassi dávda. 

Dutkamis leat guorahallan 355 jápmima.  

Itália-dutkamis maid bohtet ovdan ahte leat dat seamma riskajoavkkut go dat maid Norgga Álbmotdearvvašvuođainstituhtta (FHI) lea almmuhan, ahte badjel 65-jahkásaččat ja geain leat vel lassi dávddat, leat riskajoavkkus. 

- Advertisement -
-Almmuhus-