Koronavirus njoammu masá beali jođáneappot go dábálaš influeansa, muhto eanaš oassi eai oaččo go unnán dahje dábálaš givssi, čájehit analysa maid Máilmmi dearvvasvuođaorganisašuvnna ekspearttat leat guorahallan.
Dunlop čilge ahte influeansa njoammu birrasii 1,4 olbmui, dan botta go korona njoammu birrasii guovtti dahje golmma olbmui gaskamearálaččat. Logut maid čájehit ahte stuorámus riskajoavkkus leat badjel 60-jahkásaččat ja olbmot geain leat dávddat. Vuolil 18-jahkásaš olbmuide njoammu unnimusat.