Ovttas geas lea duođaštuvvon njoammun, čuovui busse Romssa gávpogis vuossárgga maŋŋelgaskkabeaivvi.
Vuossárgga suoidnemánu 12. beaivvi čuovui okta geas lea duođaštuvvon njoammun, busseruvtto 42 Romssas. Son čuovui busse mii manai Skippergatas Mølnengai diibmu 15:03-15:31. Dát olmmoš čuovui vel nuppes busseruvtto 42 Mølnengas Skippergatai diibmu 19:42-20:13.
Romssa suohkan čállá preassadieđáhusas sii bivdet buohkaid geat čuvvo seamma busse válddihit covid-19-iskosa.
– Eandalii galggašii fitnat drop-in-iskosa válddiheame Fredrik Langes gate 14 Romssa guovddážis. Doppe sáhttet válddihit iskosa nu ahte eai leat diŋgon diimmu, čállá suohkan preassadieđáhusas.
Buohkat geat áigot iskosa válddihit fertejit geavahit njálbmesuoji, legitimašuvdna ferte mielde ja ferte namahit iežas fástadoaktára.
