-Almmuhus-
SMÁVVAOĐĐASATNá olu bohccuid vuvde boazo­sápmelaččat diibmá

Ná olu bohccuid vuvde boazo­sápmelaččat diibmá

-

-

Jahkásaš almmuhus lea dál ilbman, mas beassá loguiguin oaidnit movt mannan jagi manai.

Jahkásaččat almmuha Eanandoallodirektoráhtta Boazodoalu resursarehketdoalu, ja dan leat almmuhan 1980-jahkelogu rájes. Doppe bohtet ovdan visot logut Norgga boazodoalus.

Dál lea ge ilbman dat ođđaseamos nummar, gos bohtet ovdan boazodoalu logut 2020/21 boazodoallojagis.

Resurssarehketdoallu lea 2020/21 boazodoallojagi raporta, ja dasa leat dieđut vižžon boazoeaiggádiid boazodoallodieđáhusas, boraspirevahátbuhtadus ohcamiin ja njuovahagain.

Raporttas boahtá ge ovdan guohtuneatnamiid ektui movt ealut leat lágiduvvon, olu leat vuovdán juohke bohcco nammii, ja man olu vahágiid gillájit miehtá riika.

Direktoráhtta čállet ruovttusiiddus ahte resursarehketdoalus boahtá ovdan ahte Norggas ledje 213 000 bohcco dien boazodoallojagis. Vuvde 56 100 bohcco, oktiibuot buvttadedje 1 306 tonna bohccobierggu, mii lea unnit go jagi ovdal. Guovdageainnu ja Kárášjoga boazodoalloguovlluin vuvde unnit go dábálaččat, ja dasa sii jáhkket ággan  dan goavvejagi mii lei jagi ovdal.

Dáppe logát maŋemus resursarehketdoalu mii lea almmuhuvvon.

-Almmuhus-