Muohta ja buolaš čuohcá elbiilla láddemii. – Leat dušše moattis geat ožžot váttisvuođaid go láddejit jođánit, lohká Norsk elbilforeninga váldočálli ja muitala movt sáhttá eastadit buollaša váttisvuođaid.
Elbilisten 2023 iskan vásihit 25 proseantta jerron olbmuin ahte leat váttis láđet el-biilla buolašin.
– Go eai leat eambbosat geain leat heajos vásáhusat njoazes láddemiin dálvet, de soaitá leat nu ahte olusat láddejit jođánit dušše go lea guhkes mátkkis ja go biila lea liekkas, lohká Bu.
Jus lea galbma báhtter, de manná njoazibut dan láddet johtilit, go biila ferte vuos báhtterpáhka ligget. Dasa lassin ii joavdda nu guhkás buolašin dálvet go dalle go lea lieggaset. Bu muitala sin iskosat čájehit ahte dálvet sáhttá 70 proseantta geassemátkkis vuodjit.
Bu rávve olbmuid dárkkistit ahte sin biillas lea ovdagihtiiliggen biddjojuvvon nala. Muhtin biillat dahket dan automáhtalaččat, earáid fertet ráhkkanahttit ovdagihtii.
Son rávve biilla lanja ligget ovdalgo vuoddjá, láddet biilla go geargá vuodjimis ja atnit muittus ahte dálvet ii goastta nu guhkás go geasset ja ahte pláne mátkki dan mielde.
