Geir Jørgensen ii jáhke ruvkedoaimma Fálesnuorrái ásahuvvot, go das leat beare stuorra nuoskkidanvahát.
Geir Jørgensen ii jáhke ruvkedoaimma Fálesnuorrái ásahuvvot, go das leat beare stuorra nuoskkidanvahát.
Luonddugáhttenlihttu oasálasttii Sámedikki rabas gulaskuddamii, ja guovllučálli Geir Jørgensen lei čielggas ahte Nussir ja Gumppenjuni ruvkeplána lea stuorámus nuoskkidanskandála Davvi-Norggas, ođđa áiggis. – Mii eat sáhte dan dohkkehit ahte ruvkefitnodagat dagahit ahte guolásteaddjit ja boazoealáhus duvdojit eret. Luonddus lea iešárvu ja luonddu árvvu ii sáhte mihtidit, leaš dal guolli dahje eará luondduriggodagat, lohká son.
Loga maid: ÁIDNA GUHTE LEA POSITIIVA ásahit ruvkedoaimma Nussirii
Ii sáhte vuhtii váldit gieldda
Geir Jørgensen lohká ruvkeplána Fálesnuorrái lea internationála nuoskkideapmi, ii ge sáhte vuhtii váldit ovtta gieldda, gos dieđusge háliidit eambbo ruđa gildii.
– Ávžžuhan baicce gieldda geahčastit Mátta-Várjjagii mii doppe lea dál dáhpáhuvvan. Dasa lassin lea Girkonjárga ruvkeservodat, muhto eai sii ge lihkostuvvan. Mun in jáhke ruvkedoaibma Fálesnuorrái šaddá duohtan, go lea beare stuorra nuoskkideapmi ja billisteapmi lundui. In jáhke Norgga eiseválddit sáhttet loahpas dohkkehit dan, lohká son. Luonddugáhttenlihttu lea váidán Birasgáhttendirektoráhta mearrádusa.
