Vearroetáhta ođđa logut čájehit ahte lohku geahččalanduođaštusain lea lassánan masá 30 proseanttain dán rádjái dán jagi, buohtastahttojuvvon ovdal pandemiija.
Go náitala, de dárbbaša geahččalanduođaštusain mii duođašta ahte deavdiba eavttuid vai beassaba náitalit, ovdamearkka dihtii ahte nubbi dudnos ii leat juo náitalan. Duođaštus lea dohkálaš njeallje mánu, ja lea Vearroetáhtta mii addá dan.
28 proseantta lassáneapmi 2019 rájes
Guovtti jagi maŋŋonan heajat korona dihtii oidnojit loguin. Áigodagas ođđajagemánus miessemánnui 2022:s leat 28 proseantta eambbo geahččaladdanduođaštusa addon buohtastahttojuvvon seamma áigodagain 2019:s.
– Leat oaidnán lassáneami maŋimuš mánuid, muhto lea čielggas ahte geasset lea áigodat goas olusat náitalit, ja dán jagi leat olu eambbo go ovdal. Mii vuordit ahte logut lassánit vel, dadjá Elin Imsland, direktevra Álbmotregistaris.
