– Girjerádjosat huksejit servodaga, maiddái Finnmárkkus. Mii háliidit cealkámušaid, dadjá fylkkaráđđi.
Preassadieđáhusas boahtá ovdan ahte ekonomiija ja kultuvrra fylkkaráđđi, Ronald Wærnes (Gb), háliida cealkámušaid álbmogis.
– Buot servodagat dárbbašit aktiivvalaš ássiid, ja girjerádjosat leat arenat gos beassá ságastallat, vásihit ja oahppat, dadjá Wærnes.
Fylkkadiggi lea mearridan ahte galgá ráhkaduvvot regionála girjerájosplána. Plána mas lea oktasaš mihttu ja doaibmabijut Finnmárkku girjerádjosiidda.
Fylkkaráđđi lea sádden plánaprográmma gielddaide, suohkaniidda ja ovttasbargoguimmiide, ja ávžžuha buohkaid buktit cealkámušaid ovdal ođđajagemánu 30. beaivvi.
