Stáhtahálddašeaddji Romssas ja Finnmárkkus ferte čuovvut fylkkarájáid ja danin earuhuvvot nubbi nuppis go fylkkagielda juhkkojuvvo, oaivvilda fylkkaráđđi.
Dat lea árvalus maid fylkkaráđđi buktá ovdán fylkkadikki erenoamáš čoahkkaneamis guovvamánu 14. beaivvi. Okta sivva manin lágiduvvo erenoamáš digitála fylkkadiggi lea olahit ráđđehusa cealkámuša áigemeari stáhtahálddašeaddji geográfalaš struktuvrra birra.
– Romssa ja Finnmárkku fylkkagielda juhkkojuvvo ođđajagimánu 1. beaivvi 2024, ja fylkkaráđđi oaivvilda ahte leat olu buorit eavttut dasa ahte stáhtahálddašeaddji maid de galgá juhkkojuvvot ja čuovvut ođđa fylkkarájáid, dadjá fylkkaráđđejođiheaddji Kristina Torbergsen (Bb) preassadieđáhusas.
(©NTB)
