Ođđa iskkus čájeha ahte 430 000 norgalačča badjel 18 jagi leat vásihan dihtorfalleheami maŋimuš golmma jagis. Seammás vástidit 66 proseantta ahte eai leat molson beassansáni 2019 rájes.
Logut bohtet «Security Barometer» iskosis, čađahuvvon Kantaris Tietoevry ovddas. Direktevra dihtorsihkarvuhtii Tietoevry Norggas, Sigrun Hansen Bock, dadjá ahte logut vuorjašuhttet, ja muitala ahte šaddá álkit krimineallaide geat háliidit beassat konttuide.
– Ahte guovttis golmmas eai leat molsun beassansáni lea heittot, erenomážit go bealle miljovnna norgalačča leat vásihan dihtorfalleheami 2019 rájes. Ádden ahte sáhttá leat noađđin molsut beassansáni dilihis árgabeaivvis, muhto jos geavahuvvo okto de eai leat hearkkes beassansániin nu olu ávki doalahit earáid kontos eret, dadjá Bock preassadieđáhusas.
