Dávjá vásihit geaidnobargit váralašvuođa barggus. Gaskaboddosaš sihkkarastin ja bargodieđiheapmi dahkko vai don vuoddjin galggat beassat oadjebasat geaidnobargoguovllu meattá.
Dan seamma háliida Trafikksikkerhetforeningen ahte sii geat leat geaidnobarggus maid galget, namalassii beassat ruoktot oadjebasat maŋŋel barggu.
– Sávan ahte eat dárbbaš ávžžuhit duppalastit sáhkuid ja čuoggáid go rihkku lága geaidnobarguguovlluin. Fáddá bođii ovdan jearahaniskkadeamis sin gaskkas geat barget geainnuiguin, maid TSF čađahii árrat geassemánus. Lea ain olu geaidnobargu mii geavvá, nu ahte ávžžuhus lea vuhtii váldit buohkaid sihkarvuođa geat barget geainnuiguin, dadjá Geirr Tangstad-Holdal, TSF beaivválaš jođiheaddji.
Iskkadeapmi, man Kantar čađahii Trafikksikkerhetforeningen ovddas, duođašta ahte eai leat dušše geaidnobargit geat vásihit ahte bargosadji lea váralaš. Johtaleaddjit maid mieđihit ahte sáhttá leat váralaš bargat geainnu bokte. Olles 85 % jerrojuvvon olbuin leat ovttaoaivilis ahte sis geat barget geaidnobargguin leat riskabargosajis.
