-Almmuhus-
-Almmuhus-
SMÁVVAOĐĐASATNá eastadat identitehta suoládeami

Ná eastadat identitehta suoládeami

Journalista

-

-

Beannotčuođi duháha Norgalačča leat maŋemus jagiid vásihan ahte sin identitehta lea suoláduvvon.

Tietovery IT-fitnodaga sihkarvuođaráđđeaddi, Aleksander Rasmussen muitala rabas interneahtas lea baha vásihit dihtorfalleheami. 

– Dál geasseluomuáiggi leat ollu mátkkošteaddjit girdihámmániin, togastášuvnnain ja eará báikkiin gos ollu olbmot vánddardit. Jus dákkár báikkis manat rabas internehttii, de sáhttá dáhpáhuvvat ahte darvehit iežat behtolaš internehttii gos krimineallat sáddejit du siidduide maid sii ieža stivrejit, čilge Rasmussen preassadieđáhusas. 

Ná eastadat dihtorkriminalitehta

Dat gávdnojit máŋga vuogi mo sihkkarastat iežat savatkeahtes dáhpáhusaid vuostá. Sihkarvuođačeahppi ávžžuha olbmuid geavahit priváhta neahttafierpmádaga, dahje VPN. 

 Jus ii leat vejolaš VPN bokte mannat nehttii, de ávžžuha dihtorčeahppi ahte anat iežat 4G dahje 5G neahta, dat lea eambbo oadjebas go rabas neahtat. 

– Muhtimat soitet háliidit atnit rabas neahta go sáhttá leat divrras iežas mobiiladata atnit, muhto nu go namuhin ovdalaš de sáhttá leat riska das. Jurdil áinnas sihke guovtte ja golmma geardde ovdal go manat rabas nehttii, don it dieđe goassege gii dan hálddaša, dadjá Rasmussen preassadieđáhusas. 

-Almmuhus-