Jus UiT navdá muhtin lea verrošan, de guorahallá UiT ášši dárkilabbot. Nu dahká UiT álo, iige dat guoskka dušše ovddeš UiT-studentii Sandra Borchii.
UiT – Norgga árktalaš universitehta oahpahus prorektor Katrine Tveiterås muitala preassadieđáhusas ahte UiT:s leat rutiinnat ja prosedyrat áššemeannudeamis jus navdet ahte muhtin lea verrošan, ja vuođđun leat universitehta- ja allaskuvlalágat ja hálddašanlágat.
Áššiin main navdet muhtima verrošan, de dárkkista UiT vuđolaččat buot olámuttos ášševuođu, ja dasa gullá maid analyseret sulasta go teaksta ovdal čállon teavsttaide. UiT dieđiha studentii gean navdet verrošan vai studeanta oažžu vejolašvuođa cealkit kontradikšuvnna dahje iežas oaivila. UiT máksá vejolaš advokáhttaveahkkegoluid.
Jus hálddahus gávdná vuođu áššái, de sáddejuvvo ášši Studeantaáššiiid lávdegoddái mii lea sorjjaskeahtes orgána, man jođiheaddji lea diggeriekteduopmár. Lávdegoddi mearrida lea go studeanta verrošan ja sáhttá go studeanta vuordit reakšuvnnaid. Hálddahusláhka regulere áššemeannudeami mii lea čuldojuvvon almmolašvuođas.
UiT dárkkistii Sandra Borcha jagi 2014 váldofágačállosa teakstasulastahttima, nationála vuogádaga bokte. Dakkár vuogádagas dárkkistuvvojit eará dieđalaš teavsttaid ektui. Diehtobása, mii dalle lei olámuttos, vuogádat ii gávdnan ahte Borcha váldočállosis lei stuorra gráda teakstasulastahttin.
UiT vuogádat ja rutiinnat leat dat seamma mat muđui leat eará stuorát universitehtain. Vuogádat ođasmahtto dađistaga, beroškeahttá eaŋkiláššiin, maiddái eará oahpahusásahusaid studeantabargguiguin. Dat ii gávdnon 2014:s. Ii oktage vuogádat sáhte buhttet kandidáhta iežas ovddasvástádusa.
