Guokte nissona leaba gávdnon jápmán Vazážis, Girona gielddas gaskavahku. Boles iská ášši.
Guokte vuorraset nissona, 65-jahkášas nieida ja 85-jahkásaš eadni, leaba gávdnon jápmán seamma dálus Vazáš gilážis.
Norrbottena boles iská dál ášši mot soai leaba jápmán ja lea go vearredahkku dagahan sudno jápmima.
– Mii iskat ášši dego goddinášši, muhto eat sáhte dadjat vel mot soai leaba jápmán. Sáhttá leat fáhkkabuohccin dagahan sudno jápmima maiddái, dadjá boles Per-Anders Heikkilä, SVT Norrbottenii.
Dál boles vuordá gorutiskosa vai ožžot diehtit mot nissonat leaba jápmán. Ii oktage lea navdojuvvon áššis. Oapmahaččat leat dieđihuvvon.