Guolástus- ja mearraministtar Cecilie Myrseth (Bb) háliidivččii eambbo nieiddaid guolástusealáhussii. Dál addá son 2 miljovnna ruvnno dásseárvobargui.
– Lea dehálaš ahte nieiddain leat nissonlaš rollamodeallat mat čájehit ahte dát lea sidjiide maid bargu, dadjá Myrseth.
Son dadjá ahte lea dárbbašlaš ahte sihke nissonolbmot ja almmáiolbmot ohppet ahte sáhttet bargat dán ealáhusas, beroškeahttá sohkabealis jos guottut galget rievdaduvvot.
Ráđđehus ohcalii čakčat prošeavttaid mat ohce doarjaga dásseárvobargui guolástusealáhusas. Sii ožžo 19 ohcamuša, ja dáin leat 12 prošeavtta ožžon oktiibuot 1,94 miljovnna ruvnno. (©NTB)
