2008 rájes eai leat ná unnán almmáiolbmot ožžon fálaldaga alit ohppui go dán jagi. Dán jagi lea almmáiolbmooassi 38,7 proseantta.
Stuorra čilgehus manin almmáiolbmooassi njiedjá, lea go nissonolbmot válljejit studerenráhkkanahtti geainnu árat oahpus, Alit oahpu ja gelbbolašvuođadirektoráhta jođiheaddji dieđuid mielde.
– Jos galgat olahit sohkabealledeattu mii lea eambbo dásásmuvvan alit akademalaš oahpus, de fertet dagahit ahte dákkár oahppu lea eambbo geasuheaddji almmáiolbmuide ja seammás dagahit fágaoahpuid eambbo geasuheaddji nissonolbmuide, dadjá direktevra Sveinung Skule.
Logut čájehit ahte Norggas bohtet leat unnit almmáiolbmo juristtat, doaktárat, bátnedoaktárat ja psykologat boahtteáiggis, váldoorganisašuvnna Akademikerne dieđuid mielde.
Oažžut logu bajás šaddá dehálaš bargu ministarii gii galgá Ola Borten Moe (Gb) maŋis bargagoahtit, oaivvilda Akademikerne jođiheaddji Lise Lyngsnes Randeberg.
(©NTB)
