Sámi Dáiddačehpiid Searvvi (SDS) stivrajođiheaddji Westerås muitala Charlotte Nilsen, Hilde Skancke Pedersen ja Synnøve Persen besse mielde dán jagi.
– Golbma sámi dáiddára besse jahkásaš 2023 Høstutstillingen-dáiddačájáhussii Oslos dán jagi. Ledje 2 695 ohcci ja 68:s besse mielde. Lea stuorra gudni beassat iežas dáidagiin oassálastit dán dáiddačájáhusas, muitala Sámi Dáiddačehpiid Searvvi (SDS) stivrajođiheaddji Lene E. Westerås preassadieđáhusas ja sávvá SDS ovddas lihkku dáiddáriidda geat besse dán baskkes nállošalmmi čađa.
Stáhta Høstutstillingen-dáiddačájáhussii sáhttet buot dáiddárat geat ásset Norggas sáddet golbma dáidaga. Lea Nationála jury, dáiddárat válljejuvvon guovtti jahkái, geat válljejit geat besset čájehit. Dáidagat galget leat ráhkaduvvon guokte maŋimuš jagis, eaige galggaše vuvdon almmolaš ásahusaide. Høstutstillingen dáidagat galget leat vuovdimassii. Nationála jury vállje dáidagiid mat čájehit dálá áiggi dáidaga ovdáneami ja lea Høstutstillingen galgá hástalit geahčči. Lea 136. geardde go dát dáiddačájáhus lágiduvvo. Høstutstillingen 2023 rahppo čakčamánu 9. beaivvi ja bistá gitta golggotmánu 15. beaivái. Lágideaddji lea Norske Billedkunstnere (NBK).
