Birrasii 70 čuoigi ledje mielde sámemeasttirgilvvuin Tråantes mannan vahkkoloahpa. Lágideaddjit leat hui duhtavaččat go besse čađahit gilvvuid goanstamuohttaga alde. (Geahča govvagalleriija áššis).
Birrasii 70 čuoigi ledje mielde sámemeasttirgilvvuin Tråantes mannan vahkkoloahpa. Lágideaddjit leat hui duhtavaččat go besse čađahit gilvvuid goanstamuohttaga alde. (Geahča govvagalleriija áššis).
Tråante doaluid oktavuođas ledje sámemeasttirgilvvut Saupstad čuoiganbáikkis. Bearjadaga lei boazovázzingilvu ja lávvordaga ges dábálaš čuoigamat.
Ollu olbmot ledje geahččame čuoigama, ja lágideaddjit ledje hui duhtavaččat lágidemiin.
– Doalut leat mannan bures ja njuovžilit. Dálki lei buorre, ja čuoiganbáikkis lei goanstamuohta nu ahte sáhtiimet čađahit čuoigama, muitala SVL-N stivrajođiheaddji Kåre Olli Ávvirii.
Sámemeašttirgilvvut lágiduvvojit juohke jagi.
Ollugat vuolgán gilvvuide
Lágideaddjit leat movttegat go nu ollugat ledje vuolgán gilvalit čuoigamii.
– Mii leat hui duhtavaččat go beasaimet leat mielde dán historjjálaš dáhpáhusas Tråantes, ja soitet doalut veahkkin geasuhan oasseváldiid searvat, lohká Olli.
AWG-gilvvuide kvalifiseremat
Sámemeasttirčuoigamat leat dehálaččat jus lea mihttu beassat mielde Arctic Winter Games gilvvuide (AWG).
– Mis lea bargojoavku gii lea árvvoštallame geaid sii galget sáddet AWG-gilvvuide. Čuoigit fertejit oassálastit máŋggaid joavkočuoigamiin vai lea vejolašvuohta beassat dáidda stuora gilvvuide, muitala Olli.
Geahča bearjadaga boazovázzingilvvuid bohtosiid dás.
Lávvordaga čuoigangilvvu bohtosiid gávnnat dás.
