Dál ii leat šat vejolaš searvat «Čálestan dál» gilvui, muhto mii joatkit ain almmuhit čállosiid maid leat ožžon áigemeari siskkobealde, dá okta dain:
Dál ii leat šat vejolaš searvat «Čálestan dál» gilvui, muhto mii joatkit ain almmuhit čállosiid maid leat ožžon áigemeari siskkobealde, dá okta dain:
Go moai viimmat oaidnaletne fas
Ii leat gal nu guhkes áigi don fárrejit, muhtumin mu mielas orru dego máŋga jagi lea juo vássán, mun dieđan dat dušše lea jahkebealle áigi.
Go moai viimmat oaidnaletne fas, de lea dego don it leat leamaš máŋga miila mus eret. Buot lea nu ollu buoret, morrašat šaddet geahppasat ja mojit eai oro luoitime.
Lea gal ártet smiehttat ahte oktavuohta šattai buoret go jávket, go fárrejit, go mannet nu guhkás muhto de lihká leat lagat. Dat lea varra danne go mun ádden dál man buorre don ledjet ja ain leat.
Olbmot dadjet ahte don it dieđe mii dus lea ovdal go jávká, muhto duohtavuohta lea ahte don dieđát mii dus lea, muhto it vuordde ahte galgá jávkat.
Mun dieđan ja sávan munno ustitvuohta boahtá eallenagi bistit, ja ain viidásat maŋŋá go moai ledne šaddan gopmiin. Mun sávan moai ain dalle ledne fárrolagaid duoddariid johtimin. Danne go du lagasvuohta čuvgii mu beivviid ja árgabeaivvit leat buoret go moai oaidnaletne fas.
Čállán: Maj Kirsten Svineng Maurstad, 17 jagi
