-Almmuhus-
SMÁVVAOĐĐASATGjensidige addá 1,7 miljovnna Guovda­geidnui ja Káráš­johkii

Gjensidige addá 1,7 miljovnna Guovda­geidnui ja Káráš­johkii

-

-

Birrasii 750 Gjensidige báŋkokundarii Guovdageainnus ja Kárášjogas spoahkeha dáid beivviid birrasii 2200 ruvnno kontoi.

Dá lea 13. jahki go Gjensidige juohká oasusvuoittu eaiggádiidda. Oktiibuot galgá measta 2,3 miljárdda ruvnno máksojuvvot kundariidda miehtá Norgga. Romssas ja Finnmárkkus ožžot kundarat oktiibuot badjel 86 miljovnna ruvnno.

– Okta dan njealji mihtus mat Gjensidigis leat, lea máksit oasusvuoittu kundariidda. 2010 rájes lea Gjensidige máksán badjel 25 miljárdda ruvnno ruovttoluotta iežamet báŋkokundariidda, muitala Gjensidigestiftelsen hálddahusdirektevra Ingrid Riddervold Lorange.

Fitnodaga dábálaš oasusvuoitu máksojuvvo fitnodaga vahátdáhkáduskundariidda. Gjenstidigestiftelsen juohká maid stuora ruhtasupmiid joavkkuide, servviide ja organisašuvnnaide mat leat ávkin servvodahkii. Eaktodáhtolaš searvvit ja organisašuvnnat sáhttet Gjensidigstifelstenis ohcat ruđa.

Dán jagi máksojuvvo Guovdageainnu kundariidda 901 533 ruvnno ja Kárášjoga kundariidda ges  785 423 ruvnno.

-Almmuhus-