Norrbotten leana ráđđi čálii ovdal geasi vuollái soahpamuša gávcci EU-riikkaid ođđa bátnedoaktáriiguin, čállá P4 Norrbotten. Jurdda lei ahte sii galge bargat nuorta Norrbottenis gos váilot bátnedoaktárat. Muhto ođđa giellagáibádusat dagahedje Folktandvården dahje álbmotbátnedikšui váttisvuođaid.
Norrbotten leana ráđđi čálii ovdal geasi vuollái soahpamuša gávcci EU-riikkaid ođđa bátnedoaktáriiguin, čállá P4 Norrbotten. Jurdda lei ahte sii galge bargat nuorta Norrbottenis gos váilot bátnedoaktárat. Muhto ođđa giellagáibádusat dagahedje Folktandvården dahje álbmotbátnedikšui váttisvuođaid.
Sosiálráđđi álmmuhii ođđa giellagáibádusaid oahppan medisiinnalaš bargiide suoidnemánus ja dát gáibádus galggai gustot cuoŋománo rájes.
Dát hirpmástuhtii earret eará Norrbottena álbmotbátnedivššu guovlluhoavda, čállá P4 Norrbotten.
Duogážiin lea go buhcciidsihkarvuođa njuolggadusat rivde cuoŋománu 15. beaivvi dán jagi.
Virgáduvvon muhto eai beasa bargat
Sosiálráđđi oaččui fámu buktit ođđa giellagáibádusaid oahppan dearvvašvuođabargiide.
Dát gávcci bátnedoaktára geaid leanastivra lea virgádan bargat Norrbottenis, eai deavdde ođđa gáibádusaid ja nu eai beasa bargat bátnedoaktárin.
– Mii leat soahpan singuin ja fertet sidjiide máksit bálkká, muhto eai beasa bargat bátnedoaktárin, lohká guovlluhoavda Tomas Josefsson.
Čilge nu guhkká go dáid bátnedoaktáriin ii leat identifikašuvdna, de jáhkká Josefsson ahte sii fertejit máksit gaskal 5-10 millijovnna ruoŧa kruvnna.
Sosiálráđi ossodagahoavda Helena Scarabin lohká buhcciidsihkarvuođa njuolggadusat cagget sin dahkamis maidege.
Dan maid leanaráđđi sáhttá dahkat lea ohcat gaskaboddosaš identifikašuvnnaid dáid bátnedoaktáriidda vai sáhttet bargagoahtit.
