Girona ođđa gávpotguovddážis lei ávvudeapmi mannan vahkoloahpa go lea jagi leamaš.
Diimmá čakčamánu 1. beaivvi rahppui Girona ođđa gávpotguovddáš, maŋŋá go LKAB ruvkedoaimmat viiddiduvvo ja go boares guovddáš gaikkoduvvui.
– Mii leat sirdán gávppiid, boradanbáikkiid ja dál ássiid Girona ođđa guovddážii. Dál huksejit ovttas ođđa Girona, kultuvrra ja eallima, dadjá Girona gielddadirektevra Johan Bergstad preassadieđáhusa bakte.
Dál čakčat rahppojedje ođđa joatkkaskuvla ja ođđa ássandálut Girona ođđa guovddážii. Lea ođđa ovdáneapmi Gironis ja dáppe huksejit ođđa dáluid jagiid ovddosguvlui.
– LKAB ja Girona gieldda ulbmil lea ráhkadit ođđa guovddáža mii addá doaimmaide buoremus vuolggasaji. Gironlaččat ja guossit leat oahpásnuvvame ođđa gávpotguovddážii ja gávppašeapmi lea lassánan, dadjá Linus Niva LKAB Samhällsomvandling ossodagas preassadieđáhusa bakte.
