Goappešat OffroadFinnmark 700 kilomehtera luohká mix-joavkkut leat doallan alla leavttu álggu rájes ja časkán eanáš olahusaid ovddit jagiid gilvvuid ektui.
Goappešat OffroadFinnmark 700 kilomehtera luohká mix-joavkkut leat doallan alla leavttu álggu rájes ja časkán eanáš olahusaid ovddit jagiid gilvvuid ektui.
Ikte vulge guokte mix-joavkku johtui gaskabeaivvi ja leat doalahan garra leavttu duoddara badjel.
Norga ovddemusas
OffroadFinnmark neahttasiiddu ođassiiddus muitalit ahte ija mielde leat sihke mix-joavkkut ja almmáiolbmuidjoavkkut sihkkelasten duoddara badjel Álttás Rávttošvutnii ja viidáset Levdnjii, gos lei golmma diimmu bákkolaš vuoiŋŋasteapmi.
Goappašat Mix-joavkkut jovde Levdnjii sullii diibmu 02.00 ja Team Rye XP-Merida (712) joavddai veahá ovdal Team Arzgebirg (704).
Leavnnjas vulggii norgga joavkku 18 minuhta ovddabealde.
Alla leaktu
Goappašat Mix-joavkkut leat doallan alla leavttu čađat. Rávttošnjárggas Levdnjii leat «ruovdenissonat» buohtastahttán fárta albmáid luohkká njunuš joavkkuide ja leat geavahan dušše 1,20 eambo áiggi go jođáneamos albmáiolbmuidjoavkkut. Ja goappašat joavkkut leat časkán eanaš áigeolahusaid, ovddit jagiid ektui.
– Siihan sihkkelastet issoras bures, dadjá hirpmahuvvan gilvojođiheaddji Jørund Greibrokk.
Guođđiledje Álttás, váibe Leavnnjas
Albmáiolbmuidluohkkás lea ovddalgihtii jiellat Team 713 Diesel/Pearl Izumi leamaš njunnošis álggu rájes ja go Álttás vulge, ledje sii 16 minuhta ovddabealde.
Muhto Leavnnjas bođii diehtu ahte joavku lea heajos vuoimmis ja árvvoštallet gaskkalduhttit vuoiŋŋastanbáikkis. Gps čuovvumis goittot oidno ahte joavkku lea ain njunnošis ja joatkán mátkki viidáset Váljohkii.
