Ođđajagemánus Hársttáin diibmá, duššai 30-jahkásaš nissonolmmoš go guorbmebiila beaškkihii oktii su biillain. Dál oaivvilda Havariijakommišuvdna ahte ferte buoridit lossafievrruid vuodjinoahpahusa.
Diimmá lihkohisvuođas lei nu ahte guorbmebiila bođii luoddamohkkái, njalkkihii, ja nu de beaškkihii personbiillain oktii. Guorbmebiilla vuoddji lei oahpahalli, ja lei vuodján lossa gurpmiin guokte jagi.
– Guorahallamat čájehit ahte lea dehálaš heivehit leavttu ja vuodjima dálvesiivvus, cealká Havariijakommišuvdna.
– Oahpahusas fertejit eambbo oahppat mo vuodjá rušuluottain, mo guorbmebiila galgá luottas ja gokko, ja mo bissehit guorbmebiilla, hehtten dihtii lihkohisvuođaid, loahpaha Havariijakommišuvdna.
©NTB
