-Almmuhus-
SMÁVVAOĐĐASATGuđas logi olbmos ballet guorbme­biillain go lea gálja

Guđas logi olbmos ballet guorbme­biillain go lea gálja

-

-

Jearahallaniskkadeamis NAF ovddas vástidit guđas logi olbmos ahte sis ii leat doarvái luohttámuš ahte stuora guorbmebiillat leat doarvái bures ráhkkanan Norgga dálvesiivui. – Stáda geaidnodoaimmahaga dárkkisteamit leat dehálaš doarjjan oažžut eret váralaš, lossa vuodjinfievrruid, dadjá NAF gulahallanhoavda  Camilla Ryste.

Luohttámuš ahte guorbmebiillain leat doarvái buori deahkat lea unnit nissoniid go almmáiolbmuid gaskkas. Olles 65 proseantta nissoniin vástidit ahte sis lea hui unnán dahje unnán luohttámuš ahte guorbmebiillat mat vudjet Norgga dálvegeainnuid alde leat doarvái bures ráhkkanan dálvái.

Dušše 13 proseantta lohket iežaset luohttit ahte guorbmebiillain leat doarvái buori deahkat Norgga dálvái. Seammalágan logut almmáiolbmuide leat 55 ja 16 proseantta.

– Guorbmebiillat dagahit ahte árgabeaimátki olusiin ii leat seamma dorvvolaš. Mannan vahkkoloahpa bissehuvvui guorbmebiila mas ledje geassedeahkat dálvesiivvus. Danin ferte Stáda geaidnodoaimmahat doalahit alla dási dárkkistemiin maiddái ovddos guvlui 2022:s, dadjá Ryste.

-Almmuhus-