Ođđajagemánu 12. beaivvi lea Stáda geaidnodoaimmahagas leamašan johtolatdárkkisteapmi Kvenvikmoen dárkkistanstašuvnnas Álttás.
Dat mii lea vuoruhuvvon lea lossa vuojániid dárkkistepami. Leat viidáset dárkkistan 73 lossavuojána ja vihtta smávit vuojána. Dan maid leat geahččan lea mo sihkkarastet gálvvuid, mo dálvvi mielde lea biila ráhkaduvvon, teknihkalaš dilli, ja leat go fievrrideamit dahkkon lobálaččat.
Earret eará lea okta vuoddji váidon go lea vuodján lobiheamet guorbmebiillain. Fitnodat váido go guorbmebiilla leaktomihtádasas ii lean kalibrerejuvvon.
Fievrridanfitnodat sáhkkohalai 2900 ruvnnuin go lei badjelmeare deavdán biilla.
Okta vuoddji sáhkkohalai 16 000 ruvnnuin go deahkat eai lean merkejuvvon nu go galget dálvet.
Oktiibuot logi guorbmebiilla gildojuvvojedje vuodjit viidáset dárkkistanbáikkis.
