Lei 24-jahkásaš Filippiinnaid nisu Catriona Gray gii mánnodaga vuittii Miss Universe gilvvu mii lágiduvvui Bangkokas maŋemus vahkkuid. Sámi nieida gii ovddastii Norgga, ii beassan dan 20 maŋemus gilvaleaddji searvái.
Lei 24-jahkásaš Filippiinnaid nisu Catriona Gray gii mánnodaga vuittii Miss Universe gilvvu mii lágiduvvui Bangkokas maŋemus vahkkuid. Sámi nieida gii ovddastii Norgga, ii beassan dan 20 maŋemus gilvaleaddji searvái.
93 nissona miehtá máilmmi vuoittáhalle Grayii gii vuittii gilvvu Thaieatnamis mánnodaga, gii lei veahtinfitnodagain árvvoštallojuvvon favorihttan.
Gray bargá TV:s, lea musihkkár ja modealla. Áššit maid son doarju lea ahte sosiála bealli buorránivččii sis geain lea AIDS-dávda. Son láve maiddái bargat oahpaheaddjin Manila geafes mánáide.
Sotnabeaivvi lei neahta bokte jienasteapmi, ja oidnui árrat geat jienasteddjiid oiddohat ledje.
Kárášjohkalaš Susanne Næss Guttorm, gii ovddastii Norgga Miss Universe gilvvus, ii olihan loahppagilvui mas 20 gilvaleaddji ledje báhcán.
(©NTB)
