Sámi giellavahku oktavuođas sávvá Romssa ja Finnmárkku Kultuvrralaš skuvlalávka čalmmustahttit sámi buvttademiid go galledit skuvllaid vahkku 43. Sis lea mielde Katarina Barruk, «Sameblod» filbma ja Sámi Našunálateáhter Beaivváš.
Romssa ja Finnmárkku fylkkagielda dieđiha preassadieđáhusa bokte ahte Sámi giellavahku oktavuođas sii johtet Kultuvrralaš skuvlalávkkain Romssas ja Finnmárkkus. Ulbmil lea loktet stáhtusa sámi gielaide, ja nannet sámi giela ja kultuvrra olles servvodagas. Justa dán vahkku galget sámi gielat gullot ja oidnot juohke sajis.
DKS- buvttadeamit mat leat gierdomátkkis sámi giellavahkkus: Katarina Barruk lea Sámi dovdoseamos lávlu. Daid maŋemus jagiid lea son čuojahan máŋga árvvoštallimáidnojuvvon konsearttaid birra Eurohpá ja jagi 2020 vuittii son Ruoŧa šuokŋadahkki ja teakstačálliid kulturguoddibálkkašumi. Katarina čállá ja lávlu ubmisámegillii, giella mii lea UNESCO listtus mas leat kritihkalaš áitojuvvon gielat, muhto máŋga ubmisápmelačča odne váldet gielaset ruovttoluotta. Barruk geasuha guldaleddjiid iežas garra, čielga jienain erenomáš ubmisámegiela musihkalaš eanadagas. Den kulturelle skolesekken (DKS) buvttadeapmi galleda 8.-10.luohkkáid Málatvuomi, Ráisavuona/Divrrána, Finnsnesa, Rossfjord, Vikstrand, Stonglandet.
Sameblod
Sameblod lea ráhkesvuođaduođaštus sidjiide geat guđđe min, ja sii geat báhce. Filmmas oaidnit mii mo lei bajásšaddat sámi kultuvrras 1930-logus, ja maiddái mo stuoraservvodat gieđahalai sápmelaččaid. Ii muitaluvvo badjelmearálaččat ja realisma lea garas ja njuorasmahtti. Máttasámi bálkkašupmevuoiti (ruoŧa) spillafilmma 2016:s, mánus ja regiija Amanda Kernell, lea vuoitán árvofámolaš bálkkašumiid ja njealji viđa stuorámus filbmafestiválain máilmmis leat leamašan čájáhusat spagga dievva. Váldoneavttár lea máttasápmelaš Lene Cecilie Sparrok, norgga bealde eret, son vuittii Guldbagen (Ruoŧa Oscar) rollan. DKS-buvttadeamit leat Romssa JS, Gárgámis, Málatvuomis, Finnsnesas, Vuotnabađas, Hársttáide
Guovssahasa hálddus Lea dat stuorra máinnas ja dološ cuvccas Gándda birra guhte hárddii guovssahasa ođđa hámis – historjá lea nieidda birra guhte ferte čađahit mystihkalaš mátkki gávdnan dihte iežas unna vieljaža, gean Guovssahas lea váldán. Musikála Guovssahasa hálddus lea Nils Gaup čállán ja ovdanbuktojuvvo Roger Ludvigsen ođđa ráhkaduvvon musihkain.
Sámi Našunálateáhter Beaivváš lea áidna ámmátlaš Davviriikkalaš teáhterinstitušuvdna mii geavaha álohii sámegiela lávdegiellan. Teáhter leat gierdomátketeáhter mii máŋgii jahkái fitná olles Sámis, sihke Norggas, Ruoŧas ja Suomas, muhtimin maiddái Ruoššas. Lassin dahká teáhter maiddái gierdomátkkiid golggobeale Davviriikka, čalmmustahttit sámi kultuvrra maiddái riikkaidgaskasaččat. Buvttadeapmi lei Leavnnjas 25.10.
– Romssa ja Finnmárkku fylkkagieldda kultuvrralaš skuvlalávka lágida Davvi Lávddi bokte, dieđiha DKS neavvu Helle Ramstad preassadieđáhusas. Eambbo dieđut: www.scenenord.no
