-Almmuhus-
-Almmuhus-
OĐĐASATRiddu-Riđđu ja golbma sámi artistta dollejit Islándda festiválii

Riddu-Riđđu ja golbma sámi artistta dollejit Islándda festiválii

Journalista

-

-

Riddu-Riđđu festivála delegašuvdna oassálastet Arctic Maves festiválas mii lea lágiduvvon 1999 rájes Islánddas. 

Riddu-Riđu festiválahoavda Sajje Solbakk muitala ahte resurssaid geažil festivála šaddá dávjá hilgut ovttasbargojearaldagaid, muhto go Arctic Waves festiválas válde oktavuođa Riddu-Riđu festiválain, de eai  sáhttán hilgut sin. 

– Mii leat dan dilis ahte resurssaid geažil šaddat hilgut olu miellagiddevaš bovdehusaid ovttasbargat earáiguin.  Arctic Waves lea dat masa eat sáhtte dadjat ahte eat searvva.  Lea gelddolaš čuovvut sámi kultureallima  ovdáneami, ja dat lea fiinnis oaidnit dan go sámi dáiddalaš buvttadeapmi jerrojuvvo eanet ja eanet. Mun lean rámis sámi delegašuvnnas mii mis galgá mielde Islándii. Mun illudan oaidnit publikumma ilu go sii vásihit sámi musihka, dadjá Solbakk preassadieđu bokte. 

Festivála lágiduvvo skábmamánu 1.-4. beivviid dán jagi Islánddas. Katarina Barruk doallá guokte konseartta sihke festivála vuosttaš beaivvi ja maiddái prográmma loahpahanbeaivvi. Dasa lassin  Spellemannsbálkkašumi vuoiti, Peder Niilas Tårnesvik doallá konseartta skábmamánu 2. beaivvi. Emil Karlsen njuike ges lávdái skábmamánu 3. beaivvi. 

-Almmuhus-