Badjelaš 3 miljárdda ruvnno lea eksportaárvu dorskis maŋemus kvartálas, mii lea áiggiid buoremus boađus.
Badjelaš 3 miljárdda ruvnno lea eksportaárvu dorskis maŋemus kvartálas, mii lea áiggiid buoremus boađus.
– Ii leat eahpádus ahte dorski ain lea bivnnuhis norgalaš olgoriikkas. Olbmot Spánias ja Portugálas eai leat vajáldahttán min, ja vilgesguolleealáhus lea bargan nanu barggu doalvut goikeguoli, sálteguoli ja varas dorski olgoriikii, lohká guolástusministtar Per Sandberg.
Reahkáealáhusas manná buoret guvlui
Dorski eksporteren lei buoremus lohku maŋemus kvartálas, mas lei 3 miljárdda árvu.
– Logut čájehit ahte dábálaš buktagat dahket erenoamáš bures dál. Dát leat buktagat main lea eará riikkain lassánan beroštupmi maŋemus jagiid. Dat čájeha ahte jearahit ain Norgga kvalitehta, árbevieru ja guoli. Illosan go oainnán ahte reahkáid eksporteren maid lea lassánan ja ahte das lea árvu maid loktanan. Reahkáealáhus dárbbaša loktaneami, lohká Sandberg.
Mearrabiebmoráđi logut čájehit ahte Norggas eksporterejedje 676 000 tonna mearrabiepmu mas lea árvu 23,7 miljárdda ruvnno vuosttaš kvartálas. Dat lea unnit hivvodat, 8 proseanttain, ja 2 proseantta unnit árvu diimmá vuosttaš kvartála ektui.
