Dál lea sámi nuorain vejolašvuohta háhkat oahpahallisaji máilmmi beakkán filbmadahkkiid gaskkas Walt Disney Animation Studios.
Sámiráđđi ja Norgga, Suoma ja Ruoŧa beale sámedikkit almmuhit iluin erenoamáš oahpahallivejolašvuođa Walt Disney Animation Studios mii lea 2020 geasi.
Dat lea nuoraide geat leat dáidda-, animašuvdna, gráfalaš- dahje filbmasuorggi studeanttat dahje aiddo gárven oahpu. Oahpahalliprográmma bistá logi vahkku ja juohkása iešguđet surggiide maidda sáhttá ohcat, dieđiha Sámediggi preassadieđáhusa bokte.
Ohcet oahpahalliid
Walt Disney Animation Studios ohcá oahpahalliid 2020 geassái.
Taleantaovdánahttinoahpahallin oažžu erenomáš vejolašvuođa bargat ovttas Disney bagadeddjiiguin ja guorahallat buot beliid dáidda-, muitalushábmen- ja filbmasuorggis.
Oahpahalliprográmma bistá logi vahkku ja juohkása iešguđet surggiide maidda sáhttá ohcat. Loga eambbo sin oahpahalliprográmma ja eavttuid birra dás:
Intern Meander Drawing Software
Graduate Intern Appearance Modeling and Rendering
Ohcanáigemearri WDAS oahpahallin ja mátkestipendii: 13.01.20 dii. 09:00 Norgga/Ruoŧa áigi ja 10:00 Suoma áigi.
Mátkestipeanda
Oahpahalli galgá ohcat mátkestipeandda, man Sámiráđđi ja sámedikkit almmuhit dán oktavuođas 10.000 $ sturrosaš mátkestipeandda.
Ohccis galgá sámeduogáš, galgá deavdit WDAS oahpahallieavttuid ja plána das mo son áigu máhcahit gelbbolašvuođa ruovttoluotta sámi servodahkii, nu go ovdamearkka dihte sosiála mediaid bokte, logaldallamiid jnv.
Čális ohcama, eanemusat 1 siiddu, mas čilget iežat duogáža ja plána gelbbolašvuođa máhcaheapmái.
Sádde ohcama dán čujuhussii ja merke ohcama «WDAS oahpahalli»: kmr@saamicouncil.net.
