Vuosttaščájálmasa rájes filmma leat geahččan badjelaš 31 000 olbmo Norgga kinoin.
– Ollu giitu buohkaide geat gehčče filmma kinos, čállá filmma buvttadanfitnodat «Mer Film» iežas Instagram-siiddus.
«Ellos Eatnu» filmmas lei vuosttaš kinočájálmas guovvamánu goalmmát beaivvi. Das rájes leat oktiibuot 31 559 olbmo geahččan dan. Filbmadahkki Ole Giæver lei duhtavaš loguiguin.
– Illulogut, lohká son Dagsavisen aviisii go gulai mannan vahkkoloahpa ahte filmma gehčče eanet go «Avatar: The Way of Water» filmma man rešisserii dovddus filbmadahkki Steven Spielberg.
Dán vahku, 03.02. – 09.02. gaskka «Ellos Eatnu» filmma lea eanemus gehččon filbma Norggas.
Logut vahkus 03.02. – 09.02.
1. Ellos eatnu – La elva leve: 25 521
2. Avatar: The Way of Water: 18 683
3. Kampen om Narvik: 15 790
4. Munch: 12 817
5. Mumier på eventyr: 11 015
Gáldu: www.kino.no
