Eanet vuorasolbmot gevvet giddagassii. Kriminálafuolahus ráhkkana dál lassáneapmái ja kártejit vuorrasiid.
Vuorrasiid lohkku sáhttá vel lassánit Norgga giddagasain ja Norgga kriminálafuolahus čállet preassadieđus ahte sii ráhkkanit dasa.
Olbmot geat leat badjel 50 jagi gevvet dávjjit giddagassii.
Jagi 2000:s lei lohkku guđa proseanttas ja diibmá lei lohkku lassánan 19 prosentii. Dát mearkkaša ahte Kriminálafuolahus ferte gieđahallat stuorra joavkku vuorrasat olbmuid. Dát lassáneapmi ii geava dušše Norggas, muhto maiddái internationála dásis.
Kriminálafuolahusdirektoráhta direktevra Lise Sannerud muitala lassáneapmái lea sivvan go vuorrasat olbmot dávjjit gevvet guhkit áigái giddagassii.
