Unnit norgalaččat plánejit mátkkoštit olgoriikii dán geasi, čájeha ođđa guorahallan.
75 proseantta norgalaččain plánejit vuolgit lupmui dán geasi.
Ođđa iskkadeapmi čájeha ahte eambbosat válljejit luomostallat ruovtturiikkasteaset.
53 proseantta vástidit ahte vulget olgoriikii ja dat lea 5 proseantta unnit go diibmá, čájeha Virke guorahallan.
– Olbmot dáidet sávvat ahte šaddet seamma báhkat go diibmá, dadje Virke mátkeealáhusa jođiheaddji Astrid Bergmål.
Danmárku favorihtta
Norgalaččaid olgoriikafavorihtta lea ránnjáriikka Danmárku.
Maiddái Spánia ja Ruoŧŧa geasuhit olu norgalaččaid ja oallugat válljejit maid luomostallat Hellasis ja Itálias.
– Čájehuvvo ahte norgalaččat dávjá juhket geasseluomu guovtti oassái. Jus ruovttus ii biva vuojadit, de čavgejit lieggariikii, dadjá Bergmål preassadieđáhusas.
Norgalaččat geavahit unnit ruđa luomostallamii dán jagi go diibmá. Luopmobušeahtta njiedjá 40 650 ruvnnus 36 450 ruvdnui. (©NTB)
