Njuolggo girdioktavuođat Eurohpás Davvi Supmi lassánit boahtte dálvvi.
Lea turismaealáhus mii dagaha ahte eanet chartergirdit bohtet Davvi-Supmi boahtte dálvvi. Dál girdet maiddái njuolggogirdit Duiskkas Düsseldorffas ja Šveiccas Zürichis Avvilii. Dálvet Gaska-Eurohpás bohtet maiddái čuođi chartergirdi Avvilii.
Diibmá seivot dán dálvvi eanet girdit go goassege ovdal, lagabui čuođi chartergirdi Eanodaga girdinšilljui ja eanet go 30 000 turistta gallededje dálveáigodaga Eanodaga. Eanemus turisttat bohtet Stuorra-Británnias, muhto maiddái Gaska-Eurohpás ja Irlánddas. Turistaáigodat bistá juovlamánus guovvamánu lohppii.
Turismaealáhus ja Anára gielda leat movttegat go Avvila guovlu beroštahttá ollu turisttaid ja girdivuoruid lasihit.
– Njuolggo girdivuorut ja chartergirdit leat dehálaččat gildii ja guovllu fitnodagaide, dadjá Anára gielddahoavda Tommi Kasurinen Yle Sápmái.
Business Lapland statistihka mielde 2019:s Lappis ledje 3,1 miljovnna idjadeami. Stuorra oassi olgoriikka mátkkálaččain ledje kiinnálaččat. Maiddái olu turisttat bohte Eurohpás, Mátta-Ásias, USA:s ja Austrálias.
